Datasenter i Arna: Er denne næringa liv laga?

Her er opptak og slides frå eit foredrag eg hadde for Klima- og transportkomiteen i Naturvernforbundet i Bergen (NVB) 29. september 2026.

Politikarane i Bergen kommune skal snart ta stilling til om det skal vedtas å byggjast eit datasenter i Arna med eit anslått straumforbruk på 130 megawatt. I foredraget mitt argumenterar eg for at dette vil få store konsekvensar for vatnbruk, straumbruk, og for klima og miljø generelt.

Nøyaktig dato for politisk behandling er ikkje vedteke enda.

Saka kan føljast på Bergen kommune sine nettsider, under saksnummer: PLAN-2026/12548. På denne nettsida kan ein fylje saksgangen fordelt over mange steg.

Til no er det ganske interessant å sjekke ut dokumenta som ligg i steg nr 34. Der finn ein både det innleiande «planitiativ» forslaget frå utbyggjaren og det grundige fagnotatet frå Plan- og bygningsetaten som stiller seg kritisk til utbygginga.

Tilgang på kraft er ikke avklart. På s. 16 i vedlagt planinitiativ opplyses det om at «Arcem DC 12 AS har søkt om nettilknytning på opptil 130 MW, og det forventes at strøm vil være tilgjengelig i 2035». Disse opplysningene er ikke underbygget av kilder. (Fagnotat PLAN-2026/12548-34).

Her er opptak frå foredraget mitt:

Her kan du laste ned mine slides frå foredraget, som inkluderar mange lenker det er verdt å sjekke ut.

Neste steg og korleis bidra #

I dag har vi 113 datasenter fordelt på 61 kommersielle aktører (kjelde). Er ikkje dette allereie nok til å sikre vår digitale suverenitet? Og er vi ikkje like trygge om vi kjøper datakraft frå EU-kontrollerte datasenter?

Kommunar over heile Norge opplever no å bli nedringt av utbyggjarar som ønsker å karre til seg områder for utbygging av datasenter.

Det er brei politisk einighet om at dette er ein uhaldbar utvikling. Regjeringa har sagt at dei vil komme med ein stortingsmelding med mål om å få kontroll på datasenter-utbygginga, men dei vil ikkje sei når dette vil kome. I mellomtida så rekk frykteleg mykje natur å bli rasert.

No gjeld det å informere både politikarar og befolkning om at det hastar å få kontroll på denne hodelause datasenterutbygginga. Viss me kan få på plass eit såkalla moratorium (pause) på all datasenterutbygging i 1-2 år så kan det vere ei betydeleg betring av denne situasjonen. Viss KI-bobla på aksjemarknaden skulle sprekke i mellomtida så vil truleg også mykje av denne bygge-iveren fordufte.

Tips til kva du kan gjere:

1. Del dette med nokon som bryr seg om naturen, arbeidsplassar frå ekte industri og/eller høge strømprisar.
2. Send mail eller ring ein lokalpolitikar for å spøre korleis dei forholder seg til datasenterutbygging i sin kommune.

Dette treng du ikkje å gjere åleine. Det er mogleg å finne hjelp hos Naturvernforbundet som er oppteke av denne problematikken og har mange lokallag. KIKI er også ein organisasjon som jobbar for regulering av KI som det er verdt å sjekke ut.